ENGLISH

სიახლეები

გზამკვლევი ადგილობრივი თვითმმართველობის არჩევნებში მონაწილე ქალი კანდიდატებისთვის

11 ივნისი, 2014

ადამიანის უფლებების  სწავლებისა და მონიტორინგის ცენტრმა , ევროსაბჭოს მხარდაჭერით,მოამზადა გზამკვლევი ადგილობრივი თვითმმართველობის არჩევნებში მონაწილე ქალი კანდიდატებისთვის. გზამკვლევის მიზანია იმ ქალი კანდიდატების პოლიტიკური ჩართულობის გაზრდა, რომლებიც კენჭს იყრიან ადგილობრივი თვითმმართველობის არჩევნებში.
გზამკვლევი იხილეთ შემდეგ ვებ–გვერდზე


„საჯარო სამსახურის შესახებ“ კანონში ცვლილებების პროექტი შევიდა

04 ივნისი, 2014

პარლამენტის წევრების ვახტანგ ხმალაძისა და გია ჟორჟოლიანის  ინიციატივით „საჯარო სამსახურის შესახებ" კანონში ცვლილებები შევიდა. კანონპროექტის თანახმად, უქმდება ნორმა, რომელიც 2014 წლის ადგილობრივი თვითმმართველობის ორგანოების მორიგი არჩევნების შემდეგ, ყველა მოხელეს  მოვალეობის შემსრულებლად აცხადებს. 
დამატებითი ინფორმაცია იხილეთ ვებ–გვერდზე


არასამთავრობო ორგანიზაციების განცხადება

08 აპრილი, 2014

კამპანიაში „ეს შენ გეხება, ისევ გვისმენენ" ჩართული არასამთავრობო ორგანიზაციები მოუწოდებენ მთავრობას, მხარი დაუჭიროს პარლამენტში ფარული მოსმენების საკითხზე ინიცირებულ საკანონმდებლო ინიციატივას. არასამთავრობო ორგანიზაციების განცხადებას გაეცანით შემდეგ მისამართზე: http://www.netgazeti.ge/GE/105/News/30143/              


„ეს შენ გეხება!“

02 აპრილი, 2014

ეს შენ გეხება! - ისევ გვისმენენ!" - ამ სლოგანით გაერთიანდა სამოქალაქო სექტორის დიდი ნაწილი, რათა პარლამენტს შეახსენოს, რომ უკანონო თვალთვალი და მიყურადება გრძელდება და ამისთვის ხელის შესაშლელად საკანონმდებლო ცვლილებებია აუცილებელი. კამპანია „ეს შენ გეხებას" წარმომადგენლები ამბობენ, რომ 2012 წლის საპარლამენტო არჩევნების შემდეგ მმართველ კოალიციას სისტემური ცვლილებები არ განუხორციელებია და კავშირგაბმულობის ოპერატორთა მონაცემებთან სამართალდამცავ ორგანოებს შეუზღუდავი წვდომა აქვთ. 

დამატებითი ინფორმაცია იხილეთ რადიო თავისუფლების ვებ–გვერდზე  

 


ევროკავშირის პრესკონფერენცია- გამოფენა: ,,სამოქალაქო საზოგადოება: პარტნიორი რეფორმების პროცესში``

05 მარტი, 2014

ქარვასლის საგამოფენო ცენტრში სამოქალაქო საზოგადოების ორგანიზაციათა მონაწილეობით პრესკონფერენცია და გამოფენა ,,სამოქალაქო საზოგადოება: პარტნიორი რეფორმების პროცესში'' გაიმართება. ღონისძიების ორგანიზატორი და ინიციატორია ევროკავშირის წარმომადგენლობა საქართველოში.

2014 წელს ევროკავშირმა უკვე 34 გრანტი გასცა სამოქალაქო საზოგადოების ორგანიზაციათა პროექტებისათვის.

პრესკონფერენციის გახსნა - ხუთშაბათს, 6 მარტს, 17:00 საათზე.

სრული ინფორმაცია იხილეთ:  https://www.facebook.com/events/1429343947305937/ 


საჯარო დისკუსია თვითმმართველობის თემაზე

26 თებერვალი, 2014

დღეს, 26 თებერვალს, 19:00 საათზე, ჰაინრიჰ ბიოლის ფონდში გაიმართება საჯარო დისკუსია თემაზე: რას მოუტანს თვითმმართველობის რეფორმა საქართველოს დემოკრატიას? 

მომხსენებლები: დავით ლოსაბერიძე, ადგილობრივი დემოკრატიის ქსელის ცენტრი, გამგეობის თავმჯდომარე. ლიზი სოფრომაძე, რეგიონული განვითარების ცენტრი, აღმასრულებელი დირექტორი. თენგიზ შერგელაშვილი, საქართველოს რეგიონული განვითარებისა და ინფრასტრუქტურის მინისტრის პირველი მოადგილე. მოდერატორი: თამარ გურჩიანი, იურისტი
დასწრება თავისუფალია

სრული ინფორმაცია იხილეთ ლინკზე: https://www.facebook.com/events/561061430656098/?source=3&source_newsfeed_story_type=regular


ირაკლი ღარიბაშვილი საარჩევნო ბარიერის 50%-მდე გაზრდის ინიციატივით გამოდის

18 თებერვალი, 2014

პრემიერის ინიციატივით, ყველა თვითმმართველ ქალაქში მერები პირდაპირი გზით 50%-იანი ბარიერით აირჩევა. ირაკლი ღარიბაშვილი პოლიტიკურ ძალებს სთავაზობს, ქვეყნის მასშტაბით ყველა მუნიციპალიტეტში გამგებლების არჩევაც 50%-იანი ბარიერის გადალახვის გზით მოხდეს. ირაკლი ღარიბაშვილმა გუშინ გამართულ შეხვედრაზე მმართველი კოალიცია აღნიშნული ინიციატივის მხარდაჭერაზე დაითანხმა. პარლამენტში ინიცირებული პროექტის მიხედვით, გამგებლის ასარჩევად 33%-იანი ბარიერი, ხოლო მერების ასარჩევად 40%-იანი საარჩევნო ბარიერია გათვალისწინებული. 

გამოყენებულია ინტერპრესნიუსის მასალა: http://www.interpressnews.ge/ge/politika/270262-irakli-gharibashvili-saarchevno-barieris-50-mde-gazrdis-iniciativith-gamodis.html


თვითმმართველობის კანონპროექტში შეტანილი ცვლილებების კრიტიკა გორში

04 თებერვალი, 2014

„ახალგაზრდა იურისტთა ასოციაციის“ გორის ოფისში ადგილობრივი არასამთავრობო ორგანიზაციებისა და მედიის წარმომადგენლებმა თვითმმართველობის კანონპროექტში შეტანილი ცვლილებები განიხილეს. შეკრებილთა აზრით, პროექტში პარლამენტის მიერ შეტანილმა ცვლილებებმა თვითმმართველი ერთეულების დამოუკიდებლობის ხარისხი მნიშვნელოვნად შეზღუდა. ყველაზე დიდ კრიტიკას პირდაპირი გზით არჩეული მერისა და გამგებლისადმი უნდობლობის გამოცხადების საკითხი იწვევს. ცვლილების  მიხედვით, არჩეული მერისა და გამგებლის გადაყენება შეუძლია საკრებულოს სიითი შემადგენლობის ნახევარზე მეტს ან მუნიციპალიტეტის რეგისტრირებულ ამომრჩეველთა არანაკლებ 20 პროცენტს.  საიას გორის ოფისის ხელმძღვანელი ქეთი ბებიაშვილი აცხადებს, რომ უნდობლობის დაყენების საკითხში მმართველ პარტიას რჩება ბერკეტი, რომ პირდაპირი გზით არჩეული მისთვის მიუღებელი მერი მარტივად მოიშოროს.

ნაწყვეტი გოგა აფციაურის სტატიიდან, სრული ინფორმაცია იხილეთ “რადიო თავისუფლების“ გვერდზე: http://www.radiotavisupleba.ge/content/tvitmmartvelobis-kanonproektis-gankhilva/25247773.html 

 


რეკომენდაციები 2014 წლის ადგილობრივი თვითმმართველობის არჩევნებისთვის

29 იანვარი, 2014

მედიის განვითარების ფონდმა გაავრცელა 2014 წლის ადგილობრივი თვითმმართველობის არჩევნებისთვის შვიდი ორგანიზაციის მიერ შემუშავებული რეკომენდაცია, რომელიც პარლამენტის ინტერფრაქციულ ჯგუფს განსახილველად გადაეგზავნა. არჩევნების თვისობრივად უკეთეს, გამჭვირვალე და სამართლიან გარემოში ჩატარების მიზნით, ორგანიზაციები მნიშვნელოვნად მიიჩნევენ შემდეგი საკითხების მოწესრიგებას: 

არჩევნების დღის პროცედურების გამარტივებას, 

საარჩევნო კომისიების წევრთა რაოდენობის ოპტიმიზაციას,

არჩევნების დღეს აგიტაციის შეზღუდვას,

პოლიტიკურ პარტიების დაფინანსებს საკითხის მოწესრიგებას,

 ადგილობრივ დონეზე არჩევით თანამდებობებზე ქალთა წარმომადგენლობის ზრდის ხელშეწყობას და სხვა.


სრული ინფორმაცია იხილეთ შემდეგ მისამართზე: http://www.mdfgeorgia.ge/index.php?menuid=4&lang=1&id=194 


არასამთავრობო ორგანიზაციებმა ადგილობრივი თვითმმართველობის საარჩევნო სისტემასთან დაკავშირებით პეტიცია გაავრცელეს

24 იანვარი, 2014

დღეს არასამთავრობო ორგანიზაციებმა პეტიცია გაავრცელეს. განცხადებაში ნათქვამია, რომ წლევანდელი ადგილობრივი თვითმმართველობის არჩევნებისთვის პრიორიტეტულ საკითხს უნდა წარმოადგენს არსებული საარჩევნო სისტემის შეცვლა, რათა დაცულ იქნეს ხმის წონის თანაბრობის პრინციპი. ორგანიზაციები ხელისუფლებას სთავაზობენ:

1.მერისა და გამგებლის არჩევნებში გამარჯვებულად ჩაითვალოს ის კანდიდატი, რომელიც დააგროვებს 50% + 1 ხმას. ამავდროულად, ყველა მერი და გამგებელი ერთნაირი წესით იქნეს არჩეული

2.გაუქმდეს ერთმანდატიანი ოლქების არსებული სისტემა და 2014 წლის ადგილობრივი არჩევნებისთვის ეს სისტემა შეიცვალოს მრავალმანდატიანი მაჟორიტარული ოლქებით.

პეტიციაში ნათქვამია, რომ აღნიშნულ საკითხთან დაკავშირებით ხელისუფლებამ უნდა უზრუნველყოს პოლიტიკური გადაწყვეტილების დროულად მიღება და ისეთი საარჩევნო სისტემის დამკვიდრება, რომელიც ხელს შეუწყობს სამართლიანი არჩევნების ჩატარებას და უკეთ ასახავს საქართველოს მოქალაქეთა მიერ არჩევნებში გამოვლენილ ნებას.

სრული ინფორმაცია იხილეთ მისამართზე: http://gyla.ge/geo/news?info=1943


გამოკითხვა