ENGLISH

სიახლეები

იაპონიის საელჩოსა და კავკასიური ინსტიტუტის წარმომადგენლები ახალციხის მუნიციპალიტეტის ხელმძღვანელ პირებს შეხვდნენ.

26 ივნისი, 2017

იაპონიის საელჩოსა და კავკასიური ინსტიტუტის წარმომადგენლები ახალციხის მუნიციპალიტეტის ხელმძღვანელ პირებს შეხვდნენ. მხარეებმა ურთიერთთანამშრომლობის შესახებ ისაუბრეს და სამომავლო გეგმები დასახეს.


მსოფლიო რელიგიების კლუბის მეექვსე სეზონი დაიწყო!

23 მარტი, 2017

მსოფლიო რელიგიების კლუბის მეექვსე სეზონი დაიწყო! 15 მარტს ჩატარდა სალექციო კურსის პირველი შეხვედრა. კლუბის სტუმარი იყო ილიას სახელმწიფო უნივერსიტეტის პროფესორი, ფილოსოფოსი ლევან გიგინეიშვილი. ლექციის თემა : "რელიგიის მნიშვნელობა მორწმუნის და ათეისტისთვის". შეხვედრის პირველი ნაწილი დაეთმო მოხსნებას, შესვენების შემდეგ კი გაიმართ დისკუსია.


"ადგილობრივი თემი და ხელისუფლება განვითარებისთვის" ფარგლებში მიმდინარეობს პირველი სამუშაო შეხვედრა

23 მარტი, 2017


"ადგილობრივი თემი და ხელისუფლება განვითარებისთვის" ფარგლებში მიმდინარეობს პირველი სამუშაო შეხვედრა ოთხი მუნიციპალიტეტის - ახალციხის, ბოლნისის, ხაშურის და შუახევის - წარმომადგენლებთან.


ისლამი, პოლიტიკა და იდენტობა პანკისში

26 იანვარი, 2017

წინამდებარე ანგარიში წარმოადგენს საქართველოსა და მსოფლიოში მიმდინარე პროცესებისა და " გლობალური ისლამის" აღზევების ფონზე პანკისის ხეობაში რელიგიური ტრანსფორმაციის ძირითადი თავისებურების შესწავლის შედეგებს.

 


რელიგიური პლურალიზმი, ექსტრემიზმი და დემოკრატია:

26 იანვარი, 2017

  რელიგიური პლურალიზმი, ექსტრემიზმი და დემოკრატია:   მონიტორინგი და დებატები

 

 


რელიგიური პლურალიზმი, ექსტრემიზმი და დემოკრატია: მონიტორინგი და დებატები

26 იანვარი, 2017

საქართველოში რელიგიური გაერთიანების წარმომადგენლების შეხედულებების და განცხადებების მონიტორინიგი ადამიანის უფლებების და დემოკრატიის შესახებ.
მუსლიმური თემი საქართველოში


რელიგიური პლურალიზმი, ექსტრემიზმი და დემოკრატია: მონიტორინგი და დებატები

26 იანვარი, 2017

საქართველოში რელიგიური გაერთიანების წარმომადგენლების შეხედულებების და განცხადებების მონიტორინიგი ადამიანის უფლებების და დემოკრატიის შესახებ.
მუსლიმური თემი საქართველოში 


"ადგილობრივი ინიციატივები განვითარებისთვის" შემაჯამებელი შეხვედრა.

23 დეკემბერი, 2016

23 დეკემბერს 11:00-14:30 სასტუმრო ბეთსი  "მშვიდობის, დემოკრატიის და განვითარების კავკასიური ინსტიტუტმა"  გამართა პროექტის - "ადგილობრივი ინიციატივები განვითარებისთვის" შემაჯამებელი შეხვედრა.
პროექტი "ადგილობრივი ინიციატივები განვითარებისთვის" 2014-2016 წლებში ორგანიზაცია "პური მსოფლიოსთვის" მხარდაჭერით საქართველოს ოთხ სამიზნე რეგიონში - აჭარა, სამცხე-ჯავახეთი, ქვემო ქართლი და შიდა ქართლი - განხორციელდა. საქმიანობის მიზანს სამიზნე დასახლებების განვითარებაში წვლილის შეტანა წარმოადგენდა, ადგილობრივი მოსახლეობის მობილიზაციის და შერჩეული პრობლემის მოგვარებაზე მიმართული კონკრეტული ინიციატივების განხორციელების გზით.
შეხვედრაზე წარმოდგენილი იქნა პროექტის შედეგები, ძირითადი მიგნებები და გაიმართა დისკუსია. ასევე პროექტის ფარგლებში მომზადებული ოთხი დოკუმენტური ფილმის ჩვენება.
შეხვედრაზე დისკუსია გაიმართა შემდეგ საკითხებზე: მცირე დასახლებების პრობლემები, უძრავი ქონების და კულტურული მემკვიდრეობის ძეგლების მუნიციპალიტეტისთვის გადაცემის მნიშვნელობა, ინფრასტრუქტურული პრობლემები და ინოვაციური მეთოდები, ახალგაზრდული საკითხები მუნიციპალიტეტებში და მათზე რეაგირების მნიშვნელობა.

 


ადგილობრივი ინიციატივები განვითარებისთვის!

22 დეკემბერი, 2016

გამოცემა მომზადებულია მშვიდობის, დემოკრატიის და განვითარების კავკასიური ინსტიტუტის პროექტის ადგილობრივი ინიციატივები ადგილობრივი განვითარებისთვის გამოცდილების საფუძველზე. პროექტი 2014-2016 წლებში განხორციელდა ორგანიზაცია "პური მსოფლიოსთვის" ფინანსური მხარდაჭერით.
ის მიზანად ისახავდა განვითარების ხელშეწყობას ადგილობრივი მოსახლეობის ჩართულობით და შერჩეული პრობლემის მოგვარებაზე მიმართული კონკრეტული ინიციატივების განხორციელების გზით. გამოცემაში აღწერილია აჭარა, სამცხე-ჯავახეთი, ქვემო ქართლი, შიდა ქართლში სამიზნე დასახლებებში გამოვლენილი პრობლემები და მათზე რეაგირების ცალკეული შემთხვევები. მოქალაქეების მიერ დასახელებული პრობლემები ფართო სპექტრისაა, თუმცა შესაძლებელია გამოიყოს დასახლების ტიპისთვის და ცალკეული რეგიონისთვის დამახასიათებელი საკითხები.
მოსახლეობის მხრიდან მიღებული ინფორმაციის მიხედვით ყველაზე დიდ გამოწვევას თითქმის ყველა სამიზნე დასახლებაში ინფრასტრუქტურა წარმოადგენს. ადგილობრივი განვითარების პროცესში არანაკლებ პრობლემურია მოსახლეობის ინფორმირებულობის და სამოქალაქო ცნობიერების დონე, ასევე საერთო საქმის გარშემო სათემო მობილიზაციის სირთულე.
აღსანიშნავია ადგილობრივ ხელისუფლებასთან თანამშრომლობის გამოცდილების და რეგულარული კომუნიკაციის არქონა, ასევე უმეტეს შემთხვევაში უიმედობა და უნდობლობა, რომ ხელისუფლება მოსახლეობისთვის მნიშვნელოვან პრობლემებზე რეაგირებას მოახდენს. სამიზნე რეგიონებიდან მიღებული პრობლემების და მათზე რეაგირების გამოცდილების საფუძველზე შეიძლება გამოვყოთ რამდენიმე საკითხი, რომლებიც მნიშვნელოვანია ადგილობრივი განვითარებისთვის და აუცილებელია თვითმმართველობის ორგანოების საქმიანობის პრიორიტეტებში მოექცეს.
ასეთი საკითხებია ადგილობრივ დონეზე ახალგაზრდებისთვის განვითარების შესაძლებლობების შექმნა, ადგილობრივი მნიშვნელობის კულტურული ძეგლების და უძრავი ქონების მუნიციპალიტეტისთვის გადაცემის ინიცირება და ინფრასტრუქტურული პრობლემების მოგვარების ინოვაციური მეთოდების დანერგვა.


კონფერენცია "პოლიტიკა და რელიგია საქართველოსა და აზერბაიჯანში"

30 სექტემბერი, 2016

29 სექტემბერს, მშვიდობის, დემოკრატიის და განვითარების კავკასიური ინსტიტუტის ორგანიზებით, საქართველოს პარლამენტის ეროვნულ ბიბლიოთეკაში, გაიმართა კონფერენცია "პოლიტიკა და რელიგია საქართველოსა და აზერბაიჯანში". კონფერენციაზე განხილული იყო რელიგიის თავისუფლების, სახელმწიფოსა და რელიგიური ორგანიზაციების ურთიერთმიმართების საკითხი და რელიგიური რადიკალიზმის ტენდენციები საქართველოსა და აზერბაიჯანში. კონფერენცია ჩატარდა პროექტის "რელიგია, სახელმწიფო და საზოგადოება" ფარგლებში, დემოკრატიის ეროვნული ფონდის (NED) ფინანსური მხარდაჭერით.


გამოკითხვა